Sete medallas para atletas da Gimnástica nunha animada xornada de atletismo no CGTD
Por Diego Torrado
O Centro Galego de Tecnificación Deportiva de Pontevedra acolleu a pasada fin de semana unha intensa xornada de atletismo coa disputa de dous campionatos autonómicos, o de probas combinadas e tamén o de categoría cadete.
Neste último, o cadete, a Gimnástica participou con 20 deportistas sumando dúas medallas de bronce, a de Lucía Cardesín nos 600 metros lisos e a de Marco Martínez no salto de altura.
Mellor foron as cousas no Campionato Galego de Probas Combinadas, no que o club pontevedrés conseguiu cinco medallas, con catro oros e un bronce.
Sandra Carballo (héptatlon) e Santi Ferrer (décathlon) revalidaron o título cunhas marcas de 4.150 e 6.293 puntos respectivamente.
Álex Solla acompañou a Santi Ferrer no podio coa terceira praza e logrando bater a súa mellor marca (5.451 puntos).
Completaron o medalleiro Francisco Quintas cun ouro en décathlon veterano (maiores 50 anos) e Jon Alonso con outro primeiro posto en categoría júnior.
Relacionadas:
-
Chuvia de medallas para os atletas da Gimnástica nos campionatos autonómicos Promesa, Júnior e Xuvenil
Por Redacción |
-
Título galego infantil para o equipo masculino da Sociedad Gimnástica
Por Redacción |
-
A Gimnástica xuvenil masculina lévase o primeiro posto do Campionato de Galicia de Clubes
Por Elsa Juliá Sánchez |