Pontevedra goza co piragüismo maratón na primeira xornada do Campionato de España
Por Daniel Santomé
Animada xornada deportiva en augas do Río Lérez no inicio do Campionato de España de Piragüismo Maratón.
Os barcos individuais e as categorías de veteranos centraron a atención nunha xornada presidida por un día soleado que fixo aínda máis vistosa a competición.
Iván Alonso (Kayak Tudense) en K-1 e David Mosquera (Ría de Betanzos) en C-1 foron os grandes triunfadores na categoría elite, tras completar case 30 quilómetros de percorrido e sete porteos seguidos con atención polos numerosos afeccionados presentes.
O K-1 decidiuse na última volta entre Alonso e Emilio Merchán (Club Kayak Zamora) cunha iguladad que se mantivo ata os últimos metros.
O panorama en C-1 foi totalmente oposto, dominando con autoridade David Mosquera, mentres en categoría feminina Nuria Villace (Ría de Betanzos) foi a gañadora en K-1.
O Campionato de España de Maratón continúa este domingo en horario matinal coas regatas de barcos dobres.
Relacionadas:
-
Os piragüistas pontevedreses, ao asalto do Campionato de Europa de Maratón en Eslovenia
Por Redacción |
-
De Pontevedra a Eslovenia para tomar o relevo do Europeo de piragüismo maratón de 2016
Por Redacción |
-
Óscar Graña e Ramón Ferro, campións de España en Pontevedra e praza para Europeo e Mundial
Por Redacción |
-
O "espectáculo dos porteos e a competición" chega a Pontevedra co Nacional de Piragüismo-Maratón
Por Diego Espiño |
-
Primeiros pasos na organización do Europeo de Piragüismo Maratón de 2016
Por Diego Espiño |