Nova derrota do Pontevedra B (2-0) nun partido de trámite ante o Estradense
Por Redacción
Partido de trámite e nova derrota para o filial granate que segue a súa triste andaina pola categoría tras consumar o seu descenso matemático, aínda que nesta ocasión arrepor a un Estradense que necesitaba os puntos para meterse nos postos de promoción, pero tivo que sufrir e non conseguiu a tranquilidade ata o desconto, cando conseguiu sentenciar o partido co segundo gol, obra de Moure.
Os locais tiveron que esperar máis dunha hora para adiantarse no marcador. Fixérono cun tanto conseguido por Jorge. Logo a expulsión por dobre amoestación de Buchi complicoulles o partido, pero souberon manter a vantaxe ata sumar tres puntos que serven aos de Tinto para acceder provisionalmente ao cuarto posto.
CD ESTRADENSE (2): Koke; David, Martín (Chus, min. 71), Mateo, Vicente, Manuti, José Ramón (Moure, min. 75), Adri (Javi, min. 89), Buchi, Arturo (Luismi, min. 63) e Jorge.
PONTEVEDRA B (0): Adrián; Iago Martínez, Rodri, Vilela, Corrales, Brais (Mario, min. 46), Nacho, Josiño (Roberto, min. 65), Adrián Martínez (Milkias, min. 52), Agus e Piñeiro (Xurxo, min. 63).
Árbitro: Elisardo Javier Mella Fernández (A Coruña) auxiliado nas bandas por Álvaro Gil Soriano e Iván Morlán García. Expulsou por dobre amarela ao xogador local Buchi (minuto 73). Amoestou a David, Manuti, Arturo e ao adestrador, Tinto, polo Estradense, e a Nacho e Piñeiro, polo Pontevedra B.
Goles: (1-0) Minuto 64: Jorge. (2-0) Minuto 91: Moure.
Incidencias: Novo Campo Municipal (A Estrada). Uns 100 espectadores.