Con ilusión e sen renunciar a nada encara o Arxil o inicio da fase de ascenso
Por Diego Espiño
Chega a hora da verdade para o Arxil. O conxunto pontevedrés encara dende este xoves 23 de abril a súa cuarta participación nunha fase de ascenso á Liga Feminina, máxima categoría do baloncesto nacional.
As verdes estréanse na competición, que ten como sede o Pazo Provincial dos Deportes de Lugo, ás 18:00 horas contra o Plenilunio, cuarto clasificado do Grupo B durante a fase regular.
O venres, tamén ás 18:00 horas, o Arxil enfrontarase ao anfitrió, o Ensino Lugo, pechando a liguiña o sábado ás 17:00 horas ante o CREF ¡Hola!.
Os dous primeiros clasificados de cada un dos dous grupos de competición xogarán as finais polo ascenso, previstas para o domingo.
No club pontevedrés son conscientes da dificultade do play-off, que encaran sen presión pero si con toda a ilusión de realizar un bo papel.
O aspecto máis positivo para as de Mayte Méndez é que a adestradora pontevedresa poderá contar con todas as súas xogadoras en perfectas condicións.
Marta Taboada, María Martínez e Andrea Carrera, xogadoras do filial, reforzan a expedición de 15 que viaxará a Lugo ante a esixencia de afrontar polo menos tres partidos en tres días consecutivos.
O resto da convocatoria compóñena Maimouna Diarrá, Fallon Lewis, María Lago, Ana Martín, Sandra Entenza, Carla Fernández, María Centeno, Ana Román, Fany López, Jara Tuda, Cristina Díaz-Pache e Aldara Méndez, ademais do corpo técnico encabezado por Mayte Méndez xunto Milagros Sanmartin, Marita Janeiro e Cuco Rodríguez.
Relacionadas:
-
O Arxil despídese do ascenso tras caer ante o CREF ¡Hola! (65-78) na terceira xornada do play-off
Por Redacción |
-
A falta de acerto en ataque nos minutos finais condena o Arxil á derrota ante o Ensino (55-46)
Por Diego Espiño |
-
Estrea con vitoria do Arxil ante o Plenilunio (61-52) no play-off de ascenso
Por Diego Espiño |
-
O ascenso do Arxil pasa por Lugo
Por Redacción |
-
Arxil loitará polo ascenso a Liga Feminina ao impoñerse (70-56) a Universidad de Oviedo
Por Ramiro Espiño |