![](/web/cache/scene/uploads/fotos/foto/d51/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5529919673-20150411-diegotorrado-arxil-vs-universidad-oviedo25.jpg)
© Diego Torrado
O ascenso do Arxil pasa por Lugo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Lugo acollerá finalmente a fase de ascenso á Liga Feminina, á que se clasificou por cuarta vez na súa historia o Club Baloncesto Arxil tras derrotar na última xornada da competición regular o Universidad de Oviedo.
O conxunto pontevedrés aspiraba a organizar o play-off, pero finalmente a Federación Española confirmou o Pazo Provincial dos Deportes de Lugo como sede dunha fase final que se celebrará entre o xoves 23 e o domingo 26 de abril.
Os oito mellores equipos da Liga Feminina 2 repartiranse en dous grupos de catro enfrontándose nunha liguiña.
Segundo o establecido a principio de tempada nas bases de competición, as verdes deberá xogar ante o campión e o cuarto clasificado do Grupo B, os madrileños CREF e Plenilunio Distrito Olímpico, e o segundo do grupo A e ademais anfitrión, o Ensino.
No outro grupo quedaron encadrados Bizkaia, Aros León, Fundal Alcobendas e Grupo EM Leganés.
Os dous primeiros de cada grupo xogaranse as súas opcións cruzándose en senllas finais que decidirán o ascenso.
Relacionadas:
-
A falta de acerto en ataque nos minutos finais condena o Arxil á derrota ante o Ensino (55-46)
Por Diego Espiño |
-
Estrea con vitoria do Arxil ante o Plenilunio (61-52) no play-off de ascenso
Por Diego Espiño |
-
Con ilusión e sen renunciar a nada encara o Arxil o inicio da fase de ascenso
Por Diego Espiño |
-
Arxil loitará polo ascenso a Liga Feminina ao impoñerse (70-56) a Universidad de Oviedo
Por Ramiro Espiño |