Lúa Piñeiro e Katya Calvar, bronce en Pontevedra no Open de España G-1
Por Diego Espiño & Diego Torrado
Espectacular peche do Open de España de Taekwondo no Pavillón Municipal dos Deportes.
Tras dous días de competición este domingo era a quenda do prato forte, a modalidade de combate absoluta, catalogada de categoría GR-1 e puntuable para o ranking mundial coa presenza de 400 deportistas.
Galicia sumou nesta xornada catro medallas, todas elas de bronce, entre as que se encontran as meritorias preseas da caldense Lúa Piñeiro (Natural Sport) e a marinense Katya Calvar (Mat's) en -67 quilos.
Lúa superou con facilidade a primeira rolda ante a balear Leonor García (23-4) e sufriu nos cuartos de final para impoñerse en e punto de ouro á británica Lauren Williams (1-0) antes de perder en semifinais ante eslovena Franca Anic (4-0), que despois se levaría o ouro.
Pola súa banda Katya superou unha difícil proba na primeira rolda ante a costarriqueña Katherine Alvarado (1-0). Ademais gañou claramente a Laura Sáez (10-0) en cuartos para perder despois na penúltima eliminatoria ante a exipcia Seham Elsawalhy (6-9).
Os outros bronces foron para Adrián Jiménez (Natural Sport) en -57 quilos e Sabela López (Patiño) en -73 quilos.
En canto aos medallistas olímpicos Joel González e Brigitte Yagüe, ambos os dous cumpriron os prognóstico proclamándose vencedores nos seus respectivos pesos.
Relacionadas:
-
Lúa Piñeiro volve á competición no Grand Prix de Moscova
Por Redacción |
-
Bakú, próximo reto para Lúa Piñeiro
Por Redacción |
-
Lúa Piñeiro cae en primeira rolda do Mundial de taekwondo en Rusia
Por Redacción |
-
Obxectivo Mundial para Lúa Piñeiro
Por Redacción |
-
Pontevedra intentará organizar de novo o Open de España de taekwondo "en 2016 ou 2017"
Por Diego Espiño |
-
28 medallas galegas na modalidade de combate cadete e júnior do Open de España de taekwondo
Por Diego Espiño & Diego Torrado |
-
O Open de España de Taekwondo levanta o pano cunha animada primeira xornada de competición
Por Redacción |
-
Lúa Piñeiro, ante o Open de España en Pontevedra: "Será un importante test cara o Mundial"
Por Redacción |
-
O Municipal prepárase para un Open de España de taekwondo que "supera todas as previsións"
Por Diego Espiño |
-
Os medallistas olímpicos Joel González e Brigitte Yagüe, entre os inscritos para o Open de España en Pontevedra
Por Diego Espiño |