Segue sen levantar cabeza o Poio FS que volve perder na súa pista (0-4) ante Universidad de Alicante
Por Redacción
Segue sen encontrar o camiño dende que comezou o ano 2015 o Poio FS para certificar definitivamente a permanencia. Nesta ocasión tíñao complicado fronte a un dos equipos que loitan pola zona alta da táboa como o Universidad de Alicante, pero se esperaba que polo menos fose capaz de presentar algo máis de batalla o conxunto alicantino, que dominou o partido con claridade ata deixalo practicamente sentenciado nada máis comezar a segunda parte.
As rapazas de Morenín volveron pecar de falta de gol, sendo incapaces de materializar as ocasións creadas, xogando a mercé do seu rival, que tomou o mando dende o principio e se adiantaba aos oito minutos de partido, ao transformar Pao un penalti.
O Poio puido empatar empregando como arma as transicións rápidas sobre a portaría universitaria. Jenny enviaba un claro remate ao poste no que puido ser o empate, pero non acertou e apenas uns segundos máis tarde nunha contra, Sara facía a porta baleira o 0-2 co que se chegaba ao descanso.
Aos tres minutos da reanudación, Amelia facía bo un dous para un para anotar o terceiro e nin sequera a expulsión por vermello directo a Andrea Lacrampe serviu ao Poio para acurtar distancias nesa superioridade numérica.
Cando restaban sete minutos, o Poio recorreu ao xogo de cinco, que tampouco lle deu resultado, e mesmo Amelia anotaba o cuarto e definitivo gol para as visitantes dun potente disparo dende fóra da área.
POIO FS (0): Silvia; Souza, Claudia, Nerea, Charo -cinco inicial-, Jenny, Yoly, Paloma, Elena e Tania.
UNIVERSIDAD DE ALICANTE (4): Jenny; Sara, Txitxo, Amelia, Andrea Lacrampe -cinco inicial-, Andrea Soriano, Lara, Pao, Kicky, Mónica e Rocío Gracia.
Árbitros: Daniel Dacal e Álvaro García (Galicia). Amoestaron a Sara Navalón e expulsaron con vermello directo a Andrea Lacrampe (minuto 28) polo equipo visitante.
Goles: (0-1) Minuto 8 Pao, de penalti. (0-2) Minuto 17: Sara. (0-3) Minuto 23: Amelia. (0-4) Minuto 34: Amelia.
Incidencias: Pavillón Municipal da Seca (Poio). Uns 300 espectadores.