Partido grande no Pavillón Municipal con Teucro e Valladolid na busca do ascenso
Por Diego Espiño
Dous equipos que aspiran ao ascenso e bo ambiente nas bancadas, incluída a presenza de afeccionados visitantes. O Pavillón Municipal dos Deportes de Pontevedra prepárase para vivir este sábado (20:00 horas) un "partido de los que gusta jugar" entre Sociedad Deportiva Teucro e Atlético Valladolid.
Así o definiu o teucrista Dani Hernández, e non é para menos, pois con sete partidos por xogar, catro deles na casa, e sete puntos de vantaxe á fronte da táboa, aos azuis abondaríalles con manter a súa fortaleza na casa para asegurarse o ascenso á Liga Asobal.
Pero o Valladolid non será un rival sinxelo. ÿ o actual terceiro clasificado e un equipo que "juega francamente bien y compite muy bien", asegura Quique Domínguez.
Con todo o técnico pontevedrés quita presión ao defender que "después del partido quedarán seis jornadas y sea cual sea el resultado no va a ser definitivo".
Os azuis chegan á cita coas pilas cargadas e en plena forma, sen baixas salientables, ao contrario que un conxunto valisoletano que perde para a cita ao extremo Sergi Grossi por sanción, aínda que recupera o porteiro cubano Rey Enrique Gutiérrez.
O encontro estará arbitrado polos colexiados calatanes Ausas Busquets e Florenza Virgili.
Relacionadas:
-
Memorable segunda metade do Teucro que deixa o ascenso moi preto ao gañar (26-23) ao Atlético Valladolid
Por Ramiro Espiño & Diego Torrado |
-
O Teucro chama á súa afección para o decisivo partido do sábado contra o Atlético Valladolid
Por Elsa Juliá Sánchez |
-
Momento clave da tempada para o Teucro
Por Diego Espiño |
-
O Teucro resolve na segunda parte (26-34) ante BM La Roca, ampliando distancia co Go Fit
Por Redacción |