Grave tropezo do Arosa que cae (0-2) ante un serio Rápido de Bouzas
Por Redacción
Nun partido clave para ambos os dous equipos, o Rápido de Bouzas levou os tres puntos da Lomba ante un Arosa que puxo de manifesto as súas dificultades na construción de xogo. Os visitantes estiveron firmes en defensa, afogando ao conxunto arlequinado, que cae dos postos de play-off.
Un erro do xoven porteiro local, Lucas, permitiu a Jacobo adiantar aos de Jorge Otero, xusto antes do descanso, e despois de que o equipo de Piscis dispuxese de ata tres ocasións para marcar, as dúas primeiras en senllas faltas lanzadas por Adrián Camiño, especialmente a segunda, con remate de Rivas na área pequena, que salvou Sergio Ríos, e a última nun remate de Juan Rodríguez que saíu alto.
Na segunda parte o Arosa intentouno pero en van, sen conseguir crear oportunidades claras ante a ordenada e seria defensa visitante. O Rápido sentenciaba o partido nunha contra na que Diz serviu para que Miki batese a Lucas por raso. O gol xerou iradas protestas dende o banco local, por entender que houbo falta previa na acción de Tomás sobre Rivas, o que lle custou unha dobre tarxeta amarela e a conseguinte expulsión ao porteiro suplente Jorge Pérez.
AROSA SC (0): Lucas; Santi, Juan (Pablito, min. 73), Martín, Álex Freire; Rivas, Yago Pérez (Javi Pazos, min. 54); Nando, Adrián Camiño, Eloy (Juanito, min. 67); e Quique Cubas.
RÁPIDO DE BOUZAS (2): Sergio Ríos; Pablo, Portas, Yago Yao, García; Sergio, Gabi Misa (Iago Paz, min. 72); Chema, Diz (Oki, min. 88), Jacobo (Miki, min. 54); e Tomás.
ÁRBITRO: Iván Domínguez de Bernardi (A Coruña), auxiliado nas bandas por ÿdgar Soto Eiroa e ÿric Vázquez Veiras. Amoestou a Yago Perez e Rivas, polos locais, e a Sergio Ríos, polos visitantes. Expulsou o porteiro suplente do Arosa, Jorge Pérez, estando no banco (minuto 78).
Goles: (0-1) Minuto 42: Jacobo. (0-2) Minuto 78: Miki.
Incidencias: Campo Municipal da Lomba (Vilagarcía de Arousa). Uns 600 espectadores.
Relacionadas:
-
O Arosa reengánchase superando o Cerceda (2-3) malia rematar con nove homes
Por Redacción |
-
Repartición de puntos (0-0) na Lomba que afasta a Arosa e Alondras dos postos de honra
Por Redacción |
-
Cinco minutos de loucura e empate (2-2) que sabe a pouco ao Arosa en As Pontes
Por Redacción |
-
O Arosa deixa escapar en dous minutos un partido que tiña case gañado ante o Choco (2-2)
Por Redacción |
-
En inferioridade o ÿrdenes golea (4-0) a un Arosa irrecoñecible
Por Redacción |