O equipo feminino do Voleibol Pontevedra, a un paso de asegurarse a segunda praza
Por Redacción
Claro triunfo do equipo feminino do Club Voleibol Pontevedra na casa do XAV Cambados.
As pontevedresas dominaron con claridade dende o inicio do choque sen dar opción o seu rival, pechando o partido en tres mangas cun tenteo de 8-25, 19-25 e 16-25.
Este triunfo achega ao Voleibol Pontevedra ao liderado e case asegura a súa segunda praza na clasificación.
A cruz da xornada foi unha vez máis o conxunto masculino, que caeu no Centro Galego de Tecnificación Deportiva de Pontevedra ante o Noia (17-25, 17-25 e 22-25) e quedan na sétima e última praza da táboa da Segunda División.