O Atlético Novás apraza o alirón do Cisne (30-27) nun intenso partido
Por Redacción
Acariciou o Cisne a posibilidade de sentenciar a súa clasificación para a fase de ascenso, pero rematou cedendo ante o Atlético Novás, encaixando a súa segunda derrota do curso ligueiro, nun partido xogado de poder a poder e que non se decidiu ata a recta final.
Os de Modesto Augusto, máis necesitados dos puntos para manter as súas opcións á segunda praza, á par que non deixar escapar definitivamente ao cadro pontevedrés, saíron moi fortes alcanzando unha máxima vantaxe de seis goles (14-8) no minuto 23. Pero os visitantes reaccionaron ata lograr un parcial de 1-7 que igualaba a contenda apenas comezada a segunda parte.
Mesmo logrou o Cisne tomar a dianteira, pero o Novás retomou o pulso ao partido facendo valer o factor cancha para marchar de novo cunha diferenza de cinco goles (25-20) a falta de só 12 minutos para o final.
Intentárono os de Edín Covelo, que se achegaron de novo a só dous goles, pero o conxunto local aguantou o tirón, empregándose con contundencia en defensa, para quedar cos dous puntos e aprazar o alirón pontevedrés.
ACANOR ATLÿTICO NOVÁS (30): Kevin, Malvar; Víctor Armán (2), Paulo da Costa (5), Iago Flores (2), David Lechuga, Ramón Martínez (8), Manuel Martínez, Jorge Pousa, Roberto Rodríguez (5), Pablo Sánchez (1), Sergei Tsybanev (5), Álex Tsybanev (1) e Arkaitz Vargas (1).
BM CISNE (27): Pablo Galán, Toño Lafuente, Santiago Cuenca; Iván Abilleira, Pepe Camiña, Álex Chan (5), Edu Covelo (2), Rafa Dasilva (3), Bruno Montesinos, Pablo Picallo (1), Pablo Rey (1), Carlos Rodríguez, Andrés Sánchez (10), Miguel Simón, Javi Vázquez (5) e Pablo Vidal (1).
Árbitros: Iñaki Erro Choperena e Ramón Eleta Equiza (Navarra). Excluíron por dous minutos a Víctor Armán, Roberto Rodríguez, Pablo Sánchez, Sergei Tsybanev, Álex Tsybanev (2) e Arkaitz Vargas, polos locais, e a Edu Covelo, Rafa Dasilva, Carlos Rodríguez e Pablo Vidal, polo Cisne.
Marcador (cada cinco minutos): 3-3, 8-4, 9-7, 11-7, 14-9, 15-13 (descanso), 16-16, 19-19, 22-19, 25-21, 27-24 e 30-27 (final).
Incidencias: Pavillón Municipal (O Rosal). Uns 500 espectadores.
Relacionadas:
-
Calvo Xiria pon en apuros un Cisne que remonta ao final (25-23) e acaricia o título de liga
Por Ramiro Espiño |
-
Dous puntos con sabor a play-off para o Cisne ao impoñerse con autoridade (24-35) ao OAR Coruña
Por Redacción |
-
Paso de xigante do Cisne ao impoñerse con moitos apuros (29-28) ao BM Chapela
Por Ramiro Espiño |
-
Pablo Galán convértese nun muro e o Cisne pasa por enriba (31-19) de Embutidos Lalinense
Por Ramiro Espiño |
-
Sen necesidade de forzar o Cisne propina un severo correctivo (27-39) ao Poio Artai
Por Redacción |