Reparto de puntos entre Pontevedra B e Villalonga (1-1)
Por Redacción
Dani Otero salvou un punto insuficiente para o Pontevedra B na visita do Villalonga ao campo da Xunqueira (1-1).
Nun campo complicado pola auga acumulada sobre o terreo de xogo, o Villalonga foi quen de adiantarse por medio de Jesús aos 19 minutos.
O encontro foi tremendamente igualado na primeira metade, pero na segunda o filial buscou con máis intensidade a igualada.
Lograríao no minuto 80 e aínda que os dous equipos buscaron o gol do triunfo, ao final certificouse un empate que non soluciona os problemas de ambos os dous.
O Pontevedra B estáncase na décimo novena praza con 13 puntos, mentres o Villalonga é noveno con 39.
PONTEVEDRA CF B (1): Adrián, Lexcano, Yago, Dani Otero, Alejandro, Mario, Xurxo (Andrés, min.57), Manu Piñeiro (Milkias, min.77), Agus (Dani Adán, min.88), Adrián Martínez (Rubén, min.65), Richard.
VILLALONGA CF (1): Alberto, Darío (Gabriel ,min.57), Manu Santos, Jose (Alberto Villar, min.83), Machu, Alberto Rey, Jesús, Adrián Santos, Cerqueiras, Albert (Héctor, min.71), Arias.
Árbitro: Gondar Martínez. Amoestou aos locais Mario, Manu Piñeiro e Alejandro e aos visitantes Albert e Jesús.
Goles: 0-1 Jesús (min.19), 1-1 Dani Otero (min.80).
Incidencias: Partido disputado no campo da Xunqueira I, Pontevedra.