Pablo Quintana, campión do Spanish Junior Open sub-15 en Santiago
Por Redacción
Novo título para un deportista do Squash Pontevedra. Pablo Quintana proclamouse campión do Spanish Junior Open en categoría sub-15, un torneo que se celebrou a pasada fin de semana nas instalacións que o Club Squash Santiago ten na capital galega.
Pablo Quintana gañou o título despois de chegar á final, na que se enfrontou ao qatarí Hamad Al-Hanrí, sen ceder un só xogo. Foi eliminando nas primeiras roldas ao tamén Radhid Al-Harib e aos galegos Sergio Puga e Andrés Vázquez Herrero. Na final tampouco tivo problemas e impúxose por un parcial de 11-6, 11-7 e 11-6.
Este novo triunfo súmase aos logrados recentemente, o campionato galego e o campionato nacional da súa categoría.
Pola súa banda, na categoría sub- 17, Diego Crespo realizou tamén un gran campionato e quedou en cuarta praza. Venceu a Cristian Romero, Startus James e Pol Marín e tan só perdeu un partido. Foi contra o madrileño Sergio García, que o derrotou por 3 sets a 1.
Nesta categoría é onde se xogaron os partidos máis duros do torneo, debido ao gran nivel dos participantes. Aquí estaban as mellores raquetas do país, que pronto se verán as caras de novo no campionato de España sub- 17 que se xogará nas instalacións da Fundación Rías do Sur en Pontemuiños, do 20 ao 22 de marzo.
A participación do Squash Pontevedra completouse co noveno posto de Jorge González e a quinta praza de Sabela Rebollo, ambos os dous en categoría sub-17.
Relacionadas:
-
Rías do Sur, talisman para o Squash Pontevedra no Campionato de España sub-13/17
Por Redacción |
-
Pablo Quintana imponse no autonómico sub-17 de squash antes de afrontar o Nacional en Pontevedra
Por Redacción |
-
Pablo Quintana proclámase campión galego sub-15 de squash en Pontemuiños
Por Redacción |
-
Diego Crespo proclámase campión galego sub-19 de squash
Por Redacción |
-
Dobre éxito para o Squash Pontevedra no Campionato Galego
Por Redacción |