Décimo título de campións de España para a parella formada por Adrián Esperón e Patricia Martínez
Por Redacción
A parella formada polos pontevedreses Adrián Esperón e Patricia Martínez seguen facendo historia. Lograron proclamarse de novo campións de España de baile deportivo, na modalidade coñecida como 10 Bailes. Con esta vitoria, os dous bailarins suman xa dez campionatos nacionais.
A proba celebrouse na cidade catalá de L'Hospitalet do Infant (Tarragona). Para lograr o título tiveron que realizar un total de 30 bailes e competiron coas mellores parellas de baile de toda España. Fixérono con cinco coreografías de modalidade estándar e outras cinco de bailes latinos.
En concreto, Adrián Esperón e Patricia Martínez lograron a mellor puntuación de todos os participantes na modalidade estándar e foron segundos nos bailes latinos.
A suma de ambas as dúas puntuacións permitiulles conseguir un triunfo que lles clasifica directamente para o Campionato Mundial de Baile, que se celebrará en China o próximo mes de novembro.
Relacionadas:
-
Patricia Martínez e Adrián Esperón revalidan o seu título de campións de España de Baile Standard
Por Redacción |
-
Adrián Esperón e Patricia Martinez finalizan décimo cuartos no Europeo de 10 Bailes
Por Redacción |
-
Marín organizará unha proba de baile deportivo puntuable para ranking mundial
Por Redacción |
-
Décimo oitavo posto para Adrián Esperón e Patricia Martínez no Mundial de 10 Bailes
Por Redacción |
-
Dobre obxectivo Mundial para Adrián Esperón e Patricia Martínez
Por Redacción |