Pablo Quintana proclámase campión galego sub-15 de squash en Pontemuiños
Por Redacción
O Complexo Deportivo Rías do Sur de Pontemuiños acolleu os campionatos galegos sub-11 e sub-15 de squash con gran protagonismo do club local, o Squash Pontevedra.
O seu xogador Pablo Quintana, actual campión de España da categoría, conseguiu o título autonómico tras realizar un gran torneo no que o seu rival máis duro foi o santiagués Aron Astray, nunha reedición da final do Nacional.
Quintana impúxose con claridade por tres sets a cero pasando á final ante Cío García (Vigo Squash), partido que non se disputou por lesión do vigués.
Tamén participou no torneo polo Squash Pontevedra Miguel Rebollo, finalizando na sétima praza.
En categoría sub-11 os representantes pontevedreses Pablo Ríos e Pablo Caínzos enfrontáronse nunha das semifinais.
Caínzos resultaría vencedor dese encontro, pero non puido co principal favorito na final, o vigués Hugo Mon.
Nesta idade Pablo Ríos foi finalmente cuarto mentres Iago González foi quinto.