Inquietude no Arxil pola tardanza no regreso de Fallon Lewis
Por Diego Espiño
O Arxil cambiou o seu estado de resignación por perder a Fallon Lewis na primeira xornada do ano á inquietude porque a xogadora segue sen resolver os trámites administrativos necesarios para volver a España.
Lewis continúa en Estados Unidos á espera, tres semanas despois da súa marcha, do certificado de penais que debe presentar no consulado antes de emprender o seu regreso, o que está a esgotar a paciencia do club pontevedrés.
A directiva verde reuniuse co axente da xogadora para intentar buscar unha solución e, malia que completar a formalidade pode prolongarse aínda unha semana máis, non a dan por descartada para o choque do próximo sábado ante o ADBA.
DIARRÁ NO QUINTETO IDEAL DA XORNADA
Unha vez máis a arxilista Maimouna Diarrá foi incluída no quinteto ideal da novena xornada na Liga Femnina 2.
A pívot senegalesa, a pesar da derrota do seu equipo ante o Bizkaia, conseguiu unha valoración de 31 grazas aos seus 22 puntos, 12 rebotes e 2 recuperacións.
Diarrá alcanza tras nove xornadas de liga uns sobresaíntes números de 20,2 puntos e 14,4 rebotes por partido, cunha valoración media de 27,4.
Relacionadas:
-
O Arxil, con todo o seu potencial dispoñible para recibir o ADBA Avilés
Por Redacción |
-
Fallon Lewis non estará co Arxil no regreso da competición na Liga Feminina 2
Por Diego Espiño |
-
Fallon Lewis segue en EEUU e convértese en seria dúbida para os primeiros partidos do ano
Por Diego Espiño |
-
O Arxil, pendente dos problemas de visado de Fallon Lewis no seu regreso aos adestramentos
Por Redacción |