Fallon Lewis non estará co Arxil no regreso da competición na Liga Feminina 2
Por Diego Espiño
Mayte Méndez non poderá contar cunha das súas xogadoras habituais no regreso do Club Baloncesto Arxil á competición da Liga Feminina 2.
A estadounidense Fallon Lewis continúa no seu país á espera de recibir a documentación necesaria que lle permita regresar a España.
Esta situación alongouse máis do previsto e o club verde xa a dá por perdida polo menos para o choque desta fin de semana ante o Bizkaia, sendo a única baixa do equipo pontevedrés unha vez recuperados das súas lesións Fany López e Cristina Díaz-Pache.
O obxectivo pasa agora por lograr que Lewis volva a Galicia para a segunda xornada do ano, prevista para o día 17 de xaneiro no Centro Galego de Tecnificación Deportiva contra o ADBA.
Fallon Lewis abandonou Pontevedra o pasado 21 de decembro para pasar as vacacións de Nadal coa súa familia en Denver e tramitar de paso os permisos requiridos polas autoridades estadounidenses e españolas.
Dúas semanas despois a xogadora aínda espera que o FBI lle entregue o certificado de penais que despois deberá presentar no consulado de San Francisco. Unha vez superado ese trámite e co seu contrato laboral en vigor a resolución non debería prolongrase en máis dunha semana, segundo apuntan dende o Arxil, que deberá seguir á espera.
Relacionadas:
-
Inquietude no Arxil pola tardanza no regreso de Fallon Lewis
Por Diego Espiño |
-
Tropezón do Arxil ante o GDKO Bizkaia (71-50)
Por Redacción |
-
O Arxil buscará a súa oitava vitoria da tempada, sen presións, ante o GDKO Bizkaia
Por Redacción |
-
Fallon Lewis segue en EEUU e convértese en seria dúbida para os primeiros partidos do ano
Por Diego Espiño |
-
O Arxil, pendente dos problemas de visado de Fallon Lewis no seu regreso aos adestramentos
Por Redacción |