Ceci e Silvia colgan o bronce con España no Mundial de Costa Rica
Por Redacción
Non cumpriron o seu obxectivo de chegar á final de V Torneo Mundial de Fútbol Sala Feminino, pero Cecilia Puga e Silvia Aguete regresan cunha medalla de bronce ao pescozo da cita internacional disputada en Costa Rica.
Portugal apartou á Selección Española do soño da final nunha apertada e emocionante semifinal (3-2) que contou coa participación de Ceci, aínda que sen fortuna cara a meta rival.
O conxunto luso remontou ata en dúas ocasións e acabou decidindo o choque a falta de dous minutos para a súa conclusión.
A marinense disputou tamén o encontro polo terceiro posto ante a anfitriona do torneo, Costa Rica, un partido no que Silvia figurou como porteira titular.
A guardameta do Poio FS encaixou dous goles no contundente triunfo (2-8) das españolas, que se impuxeron con relativa comodidade no segundo tempo logo dun inicio de partido igualado.
Brasil levouse finalmente o Torneo Mundial ao gañar na final a Portugal (4-3) remontando dous goles en contra no tramo final.
Relacionadas:
-
O Poio FS rescata un punto (2-2) no último suspiro fronte ao líder Atlético Féminas Navalcarnero
Por Redacción |
-
España, en semifinais do Torneo Mundial de Costa Rica cunha notable achega de Ceci e Silvia
Por Redacción |
-
Silvia Aguete e Ceci, incluídas na lista para o Torneo Mundial de Costa Rica
Por Redacción |