Silvia Aguete e Ceci, incluídas na lista para o Torneo Mundial de Costa Rica
Por Redacción
O seleccionador nacional de fútbol sala, José Venancio, desvelou este luns a convocatoria oficial da Selección Española Feminina de cara ao V Torneo Mundial que se disputará en Costa Rica entre os días 7 e 17 de decembro.
Nesa lista estarán Silvia Aguete, gardameta pontevedresa do Poio Fútbol Sala, e Cecilia Puga 'Ceci', pivote marinense da Lazio italiana.
Venancio confiou no mesmo bloque de xogadoras que acudiron ás últimas citas internacionais, con Silvia e Ceci consolidadas xa no equipo nacional.
Ambas as dúas futbolistas incorporaranse á concentración previa ao Mundial o próximo domingo 23 de novembro en Águilas (Murcia), onde se realizarán varios adestramentos antes de partir cara ao país americano.
Completan a convocatoria Vane (Ponte Ourense), Belén (Atlético Féminas), Chamorro (Móstoles), Isa García (Alcorcón), Leti (Atlético Féminas), Amelia (Universidad Alicante), Ana Luján (Alcorcón), Peque (Burela), Amparo (Citta de Montesilvano), Iria (Cidade das Burgas), Marta Peñalver (Roldán) e Vanessa Sotelo (Cidade das Burgas).
Relacionadas:
-
Ceci e Silvia colgan o bronce con España no Mundial de Costa Rica
Por Redacción |
-
España, en semifinais do Torneo Mundial de Costa Rica cunha notable achega de Ceci e Silvia
Por Redacción |
-
Pamplona, última parada do Poio FS antes do parón ligueiro
Por Redacción |
-
Ceci e Silvia, convocadas coa Selección para un dobre amigable en Hungría
Por Redacción |