Changui sentenza ao Barbadás (0-2) provocando a dimisión do técnico ourensano Jorge Regal
Por Redacción
Cuarta vitoria consecutiva para o Ribadumia que soubo aproveitarse do delicado momento que atravesa o Barbadás, así como o seu escaso poder ofensivo, para lograr tres puntos que lle devolven á zona alta da táboa, a tiro de pedra dos postos de honor.
Changui foi o verdugo dun Barbadás que, ao contrario que os aurinegros, encadena catro derrotas e un só empate nos seus últimos cinco partidos, o que lle deixa coqueteando cos postos de descenso. O veterano dianteiro do Ribadumia aproveitou un penalti cometido por Alfredo para abrir o marcador.
Intentouno o equipo local, pero as súas aproximacions ao área rival careceron de perigo e de novo Changui aparecería para sentenciar cun segundo gol, cando o reloxo marcaba case o final do tempo reglamentario.
Pouco despois de finalizado o partido, o técnico do equipo ourensano, Jorge Regal, presentaba a súa dimisión á xunta directiva, que agradeceu a decisión do adestrador, anunciando que ata que se elixa sustituto farase cargo do primeiro equipo, Alberto Ruiz Ecay, adestrador do filial.
UD BARBADÁS (0): Berto; Jorge, Alfredo, Quintairos, Senén, Nacho Currás, De Dios (Karim, min. 27), Hugo, Choco (Jarju, min. 58), Luis (Nuno, min. 61) e Jaime Fernández.
CD RIBADUMIA (2): Javier Sánchez; Nelo, ÿscar Río, Adrián Padrón (Martín, min. 46), Arán, ÿscar Guimeráns (Bisti, min. 86), Sidibé, Álex, Sylla, Changui e David Pérez (Adrián Padín, min. 89).
Árbitro: Iván Domínguez de Bernardi (A Coruña), auxiliado nas bandas por Anxo Acuña Piñeiro e Jorge Rodríguez Penas. Amoestou a Alfredo e Berto, do Barbadás, e a Adrián Padrón, Arán e Álex, do Ribadumia.
Goles: (0-1) Minuto 33: Changui, de penalti. (0-2) Minuto 89: Changui.
Incidencias: Campo de Os Carrís (A Valenzá-Ourense). Uns 250 espectadores.
Relacionadas:
-
Sexta vitoria consecutiva dun Ribadumia en alza que se impón (0-1) ao Choco
Por Redacción |
-
Outros dous goles de Changui deciden (2-1) o derbi entre Ribadumia e Arosa
Por Redacción |
-
O Ribadumia dáse un festín (5-0) a custa dun débil Bertamiráns
Por Redacción |
-
O Ribadumia cura as súas feridas goleando (0-4) a domicilio ao Laracha
Por Redacción |