O Ribadumia dáse un festín (5-0) a custa dun débil Bertamiráns
Por Redacción
Da seca á abundancia. Ao Ribadumia que tiña o seu talón de aquiles na falta de acerto no remate, solucionáronselle de golpe os seus problemas defensivos e tras os catro que lle endosou a pasada semana a domicilio ao Laracha, non tivo piedade dun débil Bertamiráns, ao que goleou con contundencia para instalarse na zona cómoda da táboa e tomar distancia cos postos de perigo que non fai moito tiña moi preto.
A superioridade dos de Gabi Leis foi total. Aos moitos problemas do último sumáronselle as ausencias de Outeiro e Alfonsito, co que os visitantes apenas aguantaron vinte minutos, tempo, que tardou Sylla en abrir o marcador cun remate á escuadra.
Case non se remataran as celebracións cando Álex Gómez, en xogada persoal fai o segundo e antes de chegarse ao descanso Miguel remata un corner para subir o 3-0 ao marcador.
Se algunha esperanza tiña o Bertamiráns esfumaríaselle nada máis continuarse o partido, co cuarto gol, obra de novo de Sylla a pase ÿscar Guimeráns. Adrián Padín pecharía a conta goleadora e unha vitoria clara dun Ribadumia en alza.
CD RIBADUMIA (5): Javi Sánchez; Nelo, ÿscar Río, Miguel (Martín Barreiro, min. 47), Arán, ÿscar Guimeráns, Sidibé, Álex Gómez (Adrián Padín, min.53), Sylla (Jacobo, min. 85), Changui e David Pérez.
BERTAMIRÁNS FC (0): José, Puyi, Ánder (Mateo, min. 83), Joni, Bruno, Adán, Xesús, Diego, Richi (Daniel, min. 75), Brais (Jaime, min. 15) e Boo.
Árbitro: Saúl Parga López (Lugo), auxiliado nas bandas por Gonzalo Gómez Lemos e David Pérez Rodriguez. Amoestou a Miguel, polo Ribadumia e a Richi polo Bertamiráns.
Goles: (1-0) Minuto 20: Sylla. (2-0) Minuto 23: Álex Gómez. (3-0) Minuto 35: Miguel. (4-0) Minuto 46: Sylla. (5-0) Minuto 69: Adrián Padín.
Incidencias: Campo Municipal da Senra (Ribadumia). Uns 250 espectadores.