Arosa e Bergantiños rivalizan nun mal partido (0-0) sen apenas ocasións nin xogo
Por Redacción
Nin fútbol, nin apenas ocasións. Arosa e Bergantiños ofreceron un partido para esquecer no que os de Piscis se estrelaron contra a ordenada defensa do equipo de Carballo, que a falta de xogo demostrou a súa solidez defensiva.
Un remate de cabeza de Pablo á saída dun córner (minuto 26) foi a única ocasión do Arosa e da primeira parte. E pouco máis na segunda. Os visitantes apenas pisaron a área arlequinada, mentres que o conxunto vilagarciano empurrou nos últimos instantes e a punto estivo de conseguir a vitoria, que non sería xusta, nun remate de Esteban Capelo que se estrelou no poste.
Logo intentouno Adrián Camiño nun remate dende fóra da área que non encontrou portaría. Ao final, xusto repartición de puntos nun mal partido.
AROSA SC (0): Jorge Pérez, Juanjo, Nano, Martín, Yago Pérez (Juan, minuto 59), Rivas, Javi Pazos (Eloy, minuto 78), Nando, Quique Cubas (Capelo, minuto 68), Camiño e Pablo Vázquez.
BERGANTIÿOS CF (0): Cristopher, Borja Facal, Sergio, Becerra, Germán, Moreira (Gonzalo, minuto 85), David García (Iván, minuto 70), Astray (Denis, minuto 80), Roberto Piñeiro e Míguez.
Árbitro: Rubén Extremadura Hernández (Vigo), auxiliado nas bandas por Penedo Portela e Mensah Pereira. Amoestou a Capelo polos locais e a David García e Cristopher polo conxunto visitante.
Incidencias: Partido disputado no campo municipal da Lomba (Vilagarcía). Uns 700 espectadores.