O Atios afonda na ferida do Pontevedra B (3-1)
Por Redacción
As boas sensacións do Pontevedra B nas últimas xornadas, nas que obtivera dous empates consecutivos, non tiveron continuación para o filial granate na súa visita ao campo do Atios.
No Porriño o equipo de Blas Charlín, lastrado polas baixas, viuse moi pronto por debaixo no marcador, dende o gol de Diego Rodríguez aos 11 minutos.
Malia iso non se rendiron e tiveron opcións, mesmo cando Jorge Fernández marcou o segundo.
Os granates recortaron pronto distancias por medio de Fon e envorcáronse ante o marco do Atios, que finalmente sentenciou no desconto co segundo gol de Jorge Fernández.
Esta derrota mantén ao Pontevedra B como último do Grupo Sur da Rexional Preferente con cinco puntos.
UD ATIOS (3): Miguel, Lira, Brais Fernández, Héctor, Sergio, Diego Rodríguez (ÿscar, min.73), Groba, Lojo (Roberto, min.60), Jorge Fernández, Ramilo (Fernando Fernández, min.80), Fernando Sánchez (Boente, min.60).
PONTEVEDRA CF B (1): Álvaro, Fon, Aguete (Iván, min.78), Dani Adán, Brais, Corrales, Mario (Andrés, min.65), Emilio (Diego Lorenzo, min.59), Agus, Manu, Nacho (Yago, min.78).
Árbitro: Fernández Lodeiro. Amoestou Lojo, Roberto e Jorge Fernández nos locais e a Manu nos visitantes. Expulsou ao adestrador do filial Blas Charlín (min.73).
Goles: 1-0 Diego Rodríguez (min.11), 2-0 Jorge Fernández (min.73), 2-1 Fon (min.77), 3-1 Jorge Fernández (min.91).
Incidencias: Partido disputado no campo do Carballo, Porriño.