Melloría dun Pontevedra B que non pasa do empate sen goles ante o Porriño
Por Redacción
Non abondou para lograr un triunfo reparador, pero o Pontevedra B mellorou a súa imaxe na visita do Porriño Industrial e a punto estivo de levarse os tres puntos (0-0).
O filial encadea o seu segundo partido sen perder nun choque no que defensivamente non cometeu erros e no que buscou o gol que lle dera a vitoria, pero non estivo acertado de cara a portaría.
Con este resultado os granates seguen últimos con cinco puntos, a cinco dun Pontellas que marca a zona de salvación.
PONTEVEDRA B (0): Álvaro, Dani Adán, Dani Otero, Marou, Brais, Corrales, Mario Alonso (Diego Lorenzo, minuto 84), Emilio, Agus, Manu Piñeiro (Teijeira, minuto 63) e Andrés (Miranda, minuto 71).
PORRIÿO INDUSTRIAL CF (0): Samuel, Marcos Martínez, Claudio, Ismael, Miguel, Cristóbal (Giráldez, minuto 60), Diego Oliveira, Fabio (Nicolás, minuto 72), Veloso (Calviño, minuto 82), Víctor Besada e Iván Groba.
Árbitro: Elespe Tireux, auxiliado nas bandas por Rosende Porto e Bao Díaz. Amoestou aos locais Manu Piñeiro, Marou, Brais, Dani Otero, Teijeira e Agus e aos visitantes Veloso, Cristóbal, Samuel, Víctor Besada e Diego Oliveira. Expulsou con vermello directo a Miguel, xogador do Porriño, no minuto 75.
Incidencias: Partido disputado no campo da Xunqueira (Pontevedra).