O Leis feminino non pode co Simancas no Municipal (1-3)
Por Redacción
Intentando deixar a un lado a saída de Jacobo Estors e de varias xogadoras e a denuncia presentada contra o presidente da entidade, o Leis feminino saltou á pista do Municipal coa intención de plantar cara ao actual segundo clasificado de Segunda División, o ADAE Simancas.
Ante a mirada de Estors, presente na bancada, as pontevedresas protagonizaron ante o Simancas un inicio prometedor, pero remataron cedendo (1-3) ante a calidade das visitantes.
Malia a boa saída do Leis, o Simancas adiantouse no minuto 8 por medio de Marta, renda que ampliaría Flavia cun gol pouco antes do descanso que fixo moito dano ás lerezanas.
Non se renderon as xogadoras adestradas por David Muñoz, nin sequera tras o 0-3, obra de Miriam aos 27 minutos, logrando recortar distancias no 36 por medio de Anita.
A derrota deixa o Leis na undécima praza con tres puntos.
LEIS PONTEVEDRA (1): Tamara, Anita (1), Bibi, Loló, Mar -cinco inicial- Helena, Marta, Sofía Abal, Sofía Blanco.
ADAE SIMANCAS (3): Astrid, María Paz, Flavia (1), Sonia, María Moreno -cinco inicial- Lourdes, Marta (1), Silvia, Miriam (1), Noelia.
Relacionadas:
-
Demasiadas baixas para as rapazas do Leis, que caen con claridade en Madrid (4-1)
Por Redacción |
-
Xogadores, directivos e adestradores do Leis pechan filas arredor do seu presidente
Por Redacción |
-
Acusan o presidente do Leis de buscar "algo más" que unha relación "normal" con algunhas xogadoras
Por Alejandro Espiño & Mónica Patxot |
-
Jacobo Estors, destituído como técnico do equipo feminino do Leis
Por Redacción |