Cara e cruz para o Club Voleibol Pontevedra na estrea das ligas de Segunda División
Por Redacción
Estrea con sorte dispar para os equipos masculino e feminino do Club Voleibol Pontevedra na Segunda División Autonómica.
Os rapaces non tiveron o seu mellor tarde e caeron ante o Dumbría Volei por 3 a 1 nun partido disputado no Centro Galego de Tecnificación Deportiva.
O conxunto visitante arrancou con forza e adxudicouse os dous primeiros parciais (13-25 e 17-25). O esforzo dos lerezanos tivo a súa recompensa no terceiro período, que se anotaron por 25-19, pero non lograron que tivese continuidade e o Dumbría resolveu no cuarto set (18-25).
Mellor debut tiveron as rapazas do Club Voleibol Pontevedra, tamén con estrea na casa, ao impoñerse de xeito claro ao Dompa Gestión por 3 sets a 0.
O partido iniciouse con igualdade no primeiro set (25-21), pero iso deu paso a un dominio apisoante das locais, que pecharon o choque cun 25-12 e un 25-9.
Na próxima xornada o equipos masculino e feminino visitarán ao Emevé lucense.