A temperá expulsión de Rivas permite ao Rácing Villalbés a remontada (4-2) fronte ao Arosa
Por Redacción
Non esquecerá o Arosa moi fácilmente a polémica actuación arbitral do ferrolano Daniel Calderón Pérez. O colexiado sinalou penalti nun simple forcexeo dentro da área arlequinada, expulsando ademais con vermella directa a Rivas, cando só ían 25 minutos de xogo e os de Piscis conseguiran adiantarse no marcador, cun tanto de Nando.
Foi unha das xogadas clave do partido. Ata ese instante o Arosa estaba sendo superior. Nando remataba de cabeza un centro de Iago Pérez, conseguindo o primeiro gol da tempada. A expulsión e o empate, materializado por Iván, levaron ao Arosa a ceder o dominio ao seu rival para intentar buscar unha contra.
Pese á inferioridade numérica o Arosa non lle perdía a cara a partido, nin sequera cando Hugo aproveita unha falta botada por Justino para adiantar aos locais. Pero novamente aparecería o colexiado, no último instante antes do descanso para desequilibrar a balanza ignorando un claro penalti por mans dun defensor no área do Villalbés. Mentres os arosistas pedían a máxima pena, os locais montaban unha contra que terminaba no 3-1, conseguido por Villares.
Quique Cubas daba aire aos seus cun golazo desde máis de 30 metros, ao pouco de reanudarse o partido, pero Justino, nun gran lanzamento de falta, puxo o balón na escuadra de Jorge Pérez, sen que os de Piscis lograsen reaccionar novamente.
RÁCING VILLALBÿS (4): Viusky; Dani García, Álex, Xusto, Javi Varela (Javi Otero, min. 74), Hugo, José Varela, Mauro Poratti, Iván González, Justino (Make, min. 88) e Villares (Pablo Vivero, min. 78).
AROSA SC (2): Jorge Pérez; Juanjo, Martín, Nano, Alfonso, Rivas, Nando, Iago Pérez (Vixo, min. 83), Quique Cubas (Javi Pazos, min. 67), Adrián Camiño e Esteban Capelo (Pablo, min. 56).
Árbitro: Daniel Calderon Pérez (Ferrol), auxiliado nas bandas por Alejandro Rodríguez e Javier Igrexas. Expulsou con vermella directa ao xogador do Arosa, Rivas (minuto 25) e por doble amarela ao local, Hugo (minuto 83). Amoestou a Dani García, no equipo local, e a Iago Pérez, Alfonso, Nando, Quique Cubas e Adrián Camiño, polo cadro arosista.
Goles: (0-1) Minuto 17: Nando. (1-1) Minuto 25: Iván, de penalti. (2-1) Minuto 39: Hugo. (3-1) Minuto 44: Villares. (3-2) Minuto 48: Quique Cubas. (4-2) Minuto 53: Justino.
Incidencias: Campo da Magdalena (Vilalba). Uns 250 espectadores.