Amigable entre Arosa e Deportivo na Lomba o próximo xoves 11 de setembro
Por Redacción
O Estadio da Lomba de Vilagarcía acollerá o próximo xoves, día 11 de setembro, un partido amigable entre o equipo local, o Arosa, e o Real Club Deportivo.
Así o confirmou o club arlequinado, que acordara a celebración do partido en pretempada pero que foi aprazado por problemas de axenda na entidade coruñesa.
O Deportivo aproveita o parón en Primeira División provocado polos partidos de seleccións nacionais para afrontar este amigable.
O partido dará cominezo ás 20:30 horas. A directiva do Arosa non confirmou aínda o prezo das entradas para o choque.