O Arosa pecha unha positiva pretempada caendo nos penaltis ante o Coruxo
Por Redacción
O debut ligueiro da próxima fin de semana no campo da Madalena de Vilalba, ante o Racing Villabés, centra xa toda a atención do Arosa despois da disputa este domingo do Trofeo de San Roque.
No último compromiso amigable de pretempada, os de Piscis ratificaron as boas sensacións das últimas semanas ante un equipo de Segunda División B como o Coruxo.
O trofeo decidiuse na quenda de penaltis en favor dos vigueses tras concluír o tempo regulamentario con empate (2-2) no electrónico. Antes o conxunto arlequinado adiantárase en dúas ocasións por medio de Adrián Camiño e Quique Cubas.
Non obstante o Coruxo puxo a igualada con goles de Moscardó e Rafa Mella antes do descanso, mantendo despois as táboas a pesar de xogar en inferioridade por expulsión de Antúnez ao inicio do segundo período.
AROSA SC (2): Jorge Pérez, Juanjo, Nano, Martín, Pablo Rivas, Nando, Iago Pérez, Quique Cubas, Adrián Camiño e Esteban Capelo. Tamén xogaron Vixo, Rubén Martínez, Javi Pazos, Pablo e Juan Rodríguez.
CORUXO FC (2): Fernando, Luciano, Antúnez, Mateo, Aitor Aspas, Cifuentes, Pedro Vázquez, Pazó, Moscardó, Rafa Mella e Cristóbal. Tamén xogaron Ángel, Salinas, Alberto García, Alex Fernández, Lamas, Pardavila e Ben.
Goles: 1-0 Adrián Camiño; 1-1 Moscardó; 2-1 Quique Cubas; 2-2 Rafa Mella.
Árbitro: Daniel García, auxiliado en bandas por Juan Camorga e Martín Casal del Rio.
Incidencias: Ao redor de 550 espectadores no Estadio da Lomba.