VIDEO.- Espectacular gol olímpico de Adrián Camiño na goleada do Arosa ao Portonovo
Por Redacción
Boas sensacións do Arosa de Piscis a dez días do inicio da liga en Terceira División.
O conxunto vilagarciano pasou por enriba o Portonovo (7-0) nun partido de adestramento disputado na Lomba este mércores.
Quique Cubas, con catro goles, e Gregor, con dous, materializaron a superioridade local, pero o máis destacado do encontro chegou no minuto 20, cun estupendo tanto do capitán Arosista Adrián Camiño.
O centrocampista abriu o marcador cun gol olímpico. A beleza do tanto pode apreciarse no vídeo compartido polo Arosa a través da súa canle oficial de Youtube.