A Gimnástica, ante o complicado reto de asegurar en Valencia a permanencia na División de Honra
Por Redacción
Complicado reto o que se lle presenta ao equipo masculino da Sociedad Gimnástica. Por diante, a segunda xornada de División de honor nas pistas de atletismo Xardíns do Turia (Valencia) e o obxectivo de eludir a loita por evitar o descenso na xornada final. Non será unha tarefa fácil, xa que as baixas na primeira xornada leváronlle sumar só 156 puntos, a terceira peor puntuación da Gimnástica nos seus oito anos na máxima categoría.
Os pontevedreses terán como rivais ao actual campión, o Playas de Castellón, que xa asustou na primeira xornada ao lograr 245 puntos; ao Fent Cami Mislata, que foi o mellor dos segundos dos catro encontros celebrados na primeira xornada, con 206 puntos; e o Monzón de Huesca, a priori o equipo máis frouxo e con moitas papeletas para ser un dos equipos que descenda de categoría esta tempada.
Malia as dificultades, a Gimnástica afronta o encontro con optimismo. Logrou recuperar a moitos dos atletas que non estiveron en Alcobendas. Trátase de Iván Maceiras, Ignacio Sarmiento, David Alejandro, Martín Brea e Emilio Martín, este último despois do podio que conseguiu no Campionato do Mundo de Dúatlon celebrado en Pontevedra. Aínda é dúbida, José Ángel Gómez.
A competición comezará este sábado ás 17.00 horas coas probas de lanzamento de martelo, salto con pértiga, salto de altura e salto de lonxitude. Carlos Ferrer, David Rocha, Santi Ferrer, David Ferrer, Manuel Molinos, Carlos Espina e Iván Maceiras serán os participantes. Ás 17.45 horas comezarán as carreiras dos 400 metros valas, con Ignacio Sarmiento e Alejandro Otón e posteriormente os 400 metros, con Eduardo Gallardo e Gustavo Avilés.
Ata as oito da tarde non terminará a competición. Será co relevo longo, que o formarán Eduardo Suárez, Gustavo Avilés, Ignacio Sarmiento e Eduardo Gallardo.
Para o resto de probas, a Gimnástica contará con Martín Brea, Víctor Gallego, José Ángel Gómez, Alex Solla, Sergio García, Alfonso Pérez, Alberto Salcedo, Víctor Riobó, David Martínez, Julián Ortiz, Javier Guzmán, Carlos Cerviño, Falu Sour, Darío Costas, David Alejandro, Marc Tur, Alex Flórez, Jesús Cardó, Iván Docampo, Emilio Martín e Robertas Geralavicius.
Relacionadas:
-
A Gimnástica non logra remontar e debera loitar por non descender na xornada final
Por Redacción |
-
A Gimnástica mentalízase para remontar tras a primeira xornada de División de Honra
Por Redacción |
-
A Gimnástica afronta en Alcobendas a primeira xornada da División de Honra de Atletismo
Por Redacción |