Meritorio quinto posto do Galaico na Copa de España de Primeira División
Por Redacción
O equipo feminino do Club Natación Galaico logrou a pasada fin de semana a permanencia un ano máis na Primeira División Nacional.
Na Copa de España celebrada en Gijón o conxunto pontevedrés finalizou no quinto lugar da súa categoría con 386,5 puntos, por detrás de CN Terrasa (518,5), Costa Azahar (470), Granollers (445) e Palma de Malorca (428) e superando equipos como o Santa Olaya (382), Covibar Rivas (332) e Las Palmas (315).
Bea Gómez tivo un papel determinante neste resultado ao impoñerse con claridade nas tres probas que disputou.
No resto do equipo destacaron Inés Gómez, Águeda Cons, Iria García e Lara Gómez mellorando as súas marcas persoais en todas as probas que nadaron e Nuria Erselle, que logrou catro mellores marcas persoais e o mellor rexistro galego de 14 anos nos 100 metros costas, ademais de ser proclamada nadadora revelación do campionato.
Completaron a representación do Galaico Itziar Aranguren, Paula Goyanes, Paula Cores, Laura Paola Montes, Cristina García e Nerea Rodiño competindo a bo nivel.