O Campionato de España Júnior de Baloncesto entra na súa fase final
Por Redacción
Avanza o Campionato de España Júnior de Baloncesto co Marín Peixe Galego deixando moi boas sensacións.
Non terán facil os marinenses seguir adiante na competición, pero trala primeira fase, con dous triunfos e só unha derrota, a colleitada ante o vixente campión, o Joventut, e de xeito axustado (74-68) demostraron que poden competir ante calquera rival.
Con eses ánimos o equipo local plantouse nos oitavos de final, que se disputan este mércores e nos que se medirán ao CAI Zaragoza, primeiro do seu grupo tras derrotar no seu primeiro choque a outro dos favoritos, o Barcelona.
Os oitavos de final disputarase entre o Centro Galego de Tecnificación Deportiva de Pontevedra e o Pavillón da Raña de Marín, nunha rolda que completan os emparellamentos entre: Estudiantes-Unicaja, Academy Black-Picken Claret, Valencia Basket-Manresa, Torrelodones-Real Madrid, Baskonia-Gran Canaria, Cajasol-Estudiantes Leyma Natura e Joventut-Barcelona.