Boas sensacións do Galaico antes de afrontar a Copa de España de Clubs
Por Redacción
A piscina Rosario Dueñas de Ourense acolleu a segunda e última xornada da Copa Galega de Clubs de División de Honra, con presenza de 21 nadadores do Club Natación Galaico.
A formación pontevedresa rendeu a bo nivel finalizando no segundo lugar, tras o Pabellón Ourense, nunha competición na que tamén estiveron presentes o C.N Cidade de Santiago, C.N Ferrol, C.N. Marina Ferrol e C.N Coruña.
A cita serviu ademais de preludio para o que é un dos principais obxectivos da tempada, a XXIII Copa de España de Clubs de 1ª División, na que o Galaico comparecerá co seu equipo feminino.
Gijón acollerá a xornada, na que o bloque pontevedrés aspira a loitar polo ascenso á División de Honra.
LIGA GALEGA DE PROMESAS
O Complexo Deportivo Rías de Sur foi escenario o pasado fin de semana da última proba da Liga Galega de Promesas Trofeo Pinturas Alborada.
Un total de 70 nadadores, os máis pequenos de Galaico, C.N.Ponteareas e C.N Vilagarcía, participaron na xornada.