Arrinca a ilusionante tempada do Arxil en Liga Feminina Challenge
Por Redacción
A ilusionante tempada do Club Baloncesto Arxil en Liga Feminina Challenge está a piques de comezar.
Será este sábado ás 17:00 horas cando o conxunto pontevedrés inicie a súa andaina na categoría de prata do baloncesto, enfrontándose no Centro Galego de Tecnificación Deportiva ao Innova TSN-Leganés, un equipo con pasado en Liga Endesa e dos favoritos para ascender. Pero o Arxil, aos mandos de Marita Janeiro, tentará poñerllo complicado para estrearse cunha vitoria diante dunha afección e arrincar da mellor forma a nova campaña.
Para iso, Janeiro terá á súa disposición ao persoal ao completo, co seu núcleo principal formado por Margarita Moreira, Cristina Diaz-Pache, Heather Foster, Aldara Vázquez, Mirian García, Nerea Liste, Marta Fernández e Marta Maestro; as novísimas Mariña Vázquez e Carla García, que ascenden desde Primeira Nacional, e as recentemente chegadas Laura Fernández e Raquel Laneiro, que achegarán experiencia, ilusión e, sobre todo, calidade no xogo.
Pola súa banda, o Leganés dirixido por Javier Font chega a Pontevedra completamente renovado. Continúan no equipo Aminata Sangare, que non xogará por estar a se recuperar dunha lesión, Irene Lahuerta e Cristina Soriano, e chegan como reforzos Lucia Tagores, María Espin, Clitan Da Sousa, Habtenest Calvo, Clara Rodriguez, Cristina Bermejo, Carla Flores, Sonia Smith e María Torres.
Desde o Arxil esperan un CGTD cheo de ilusión que leve ao equipo polo aire.
Relacionadas:
-
Derrota do Arxil ante o Innova Leganés no seu debut Liga Challenge (57-78)
Por Redacción & Cristina Saiz |
-
Emotiva xornada de baloncesto para honrar a Maite Méndez
Por Almu Dapena & Cristina Saiz |
-
O Baxi Ferrol non dá opción ao Arxil nas semifinais de Copa Galicia (47-90)
Por Diego Espiño & Mónica Patxot |
-
O Arxil de Liga Feminina Challenge ponse en marcha
Por Diego Espiño & Mónica Patxot |
-
Como unha conversación nun bar transformou o baloncesto feminino en Pontevedra
Por Almu Dapena & Cristina Saiz |
-
A internacional portuguesa Raquel Laneiro, guinda para o proxecto do Arxil en LF Challenge
Por Diego Espiño |
-
O Arxil estreará a LF Challenge recibindo o TSN Leganés
Por Redacción |
-
Marita Janeiro será a adestradora do Arxil para a súa tempada de estrea en LF Challenge
Por Diego Espiño |
-
A Federación confirma o ascenso do Arxil á Liga Feminina Challenge
Por Diego Espiño |