Derrota do Arxil ante o Innova Leganés no seu debut Liga Challenge (57-78)
Por Redacción & Cristina Saiz
O Club Baloncesto Arxil cae na súa estrea na liga Feminina Challenge ante o Innova TSN Leganés. A pesar dun bo inicio e a destacada actuación de Nerea Liste, o equipo local non puido manter o ritmo do conxunto madrileño, que mostrou a súa superioridade no último cuarto para levar o triunfo por 57-78.
O Arxil dominou o primeiro cuarto e levoullo por axustado 14-12, con todo, o TSN Leganés reaxustouse antes do descanso para voltear o marcador e mandar o partido ao descanso nun 23-28.
Tentaba despexarse o cadro visitante, pero as pontevedresas non querían baixar o ritmo tan pronto nin irse do partido, igualando a intensidade do seu rival para facer un gran terceiro parcial que deixaba todo por decidir nos últimos 10 minutos (44-48).
Foi no cuarto decisivo cando todo cambiou. O Leganés reaccionou e liderado por María Espin (28 puntos) noqueó por completo ao Arxil, que fixo o que puido para aguantar a arremetida do rival, pero terminou caendo por 57-78.
No apartado individual, Nerea Liste foi a mellor do cadro lerezano, anotando 14 puntos, seguida de Nena Trajchevska con 10 e Forster con 9.
Consulta as estatísticas nesta ligazón
Relacionadas:
-
Arrinca a ilusionante tempada do Arxil en Liga Feminina Challenge
Por Redacción |
-
Emotiva xornada de baloncesto para honrar a Maite Méndez
Por Almu Dapena & Cristina Saiz |
-
O Baxi Ferrol non dá opción ao Arxil nas semifinais de Copa Galicia (47-90)
Por Diego Espiño & Mónica Patxot |
-
O Arxil de Liga Feminina Challenge ponse en marcha
Por Diego Espiño & Mónica Patxot |
-
Como unha conversación nun bar transformou o baloncesto feminino en Pontevedra
Por Almu Dapena & Cristina Saiz |