O TM Monte Porreiro aposta polo "equipo máis novo da nosa historia" na División de Honra Feminina
Por Diego Espiño
Nova tempada e novos obxectivos para o Tenis de Mesa Monte Porreiro.
Ademais de afrontar un novo curso na Superdivisión Masculina, o equipo pontevedrés prepara a que será a súa 15ª campaña consecutiva na División de Honra Feminina, e farao apostando polo talento xove.
Despois de quedar fai un par de anos ás portas do ascenso á máxima categoría, o Monte Porreiro conformou "o equipo máis novo da nosa historia, cheo de ilusión", explica a entidade.
Estará composto por novos valores da canteira e do tenis de mesa galegos xunto a unha incorporación chegada desde o país veciño. Trátase de Susana Costa, internacional lusa sub-19.
Xunto a ela estarán Noa Bernárdez, Mariña García, Candela Oubiña, Alba Álvarez e Alba Prado.
A competición na División de Honra Feminina dará comezo o domingo 29 de setembro, e farao cun derbi local para o Visit Pontevedra ao enfrontarse en Príncipe Felipe ao Pontevedra TM, equipo que o pasado ano finalizou a liga regular en terceiro posto polo quinto lugar do Monte Porreiro.
Relacionadas:
-
Segundo triunfo consecutivo para o TM Monte Porreiro tras remontar ante o CTT Olot (4-2)
Por Redacción |
-
Triunfo a domicilio do TM Monte Porreiro para empezar a liga na Superdivisión
Por Diego Espiño |
-
O TM Monte Porreiro presenta o seu equipo de Superdivisión coa novidade do portugués Gonçalo Gomes
Por Diego Espiño |
-
Satisfacción no TM Monte Porreiro polos resultados da súa canteira no Campionato de España
Por Redacción |
-
Colección de medallas galegas para o TM Monte Porreiro antes de afrontar o Campionato de España
Por Redacción |
-
Aposta pola continuidade no TM Monte Porreiro para a tempada 24-25
Por Diego Espiño |