A balear Carla Jaume asegura a primeira medalla para España no Mundial U20 de Loita de Pontevedra
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Á cuarta xornada chegou a primeira medalla española no Campionato do Mundo U20 de Loitas Olímpicas que se está celebrar en Pontevedra.
A falta de decidir a súa cor final, conseguiuna a balear Carla Jaume, ao meterse de forma brillante na final da categoría de 53 quilos.
Jaume é a primeira española da historia en alcanzar unha final mundialista, un combate previsto para este venres no que agarda a chinesa Jin Zhang, campioa asiática.
Para chegar á gran final superou nos seus combates previos á romanesa Ana Maria Gianina Rotaru (12-4), a xaponesa Saki Yumiya (7-3) e xa en semifinais á india Jyoti Jyoti (4-3).
A xornada de xoves supuxo ademais a entrada en acción da segunda deportista galega do campionato, Candela Castro (Club de Loita Atila de Ourense), nos 62 quilos. Non puido con todo avanzar no cadro ao ceder no seu combate inicial contra lasuiza Annatina Kendra Lippuner (11-0).
Tampouco logrou vencer na vía da repesca a andaluza María Cazalla (50 quilos).
O Campionato do Mundo U20 de Loitas Olímpicas de Pontevedra empeza a mirar xa cara á súa recta final no Pavillón Municipal dos Deportes, cunha xornada de venres na que se pechará a loita feminina e competirán os primeiros representantes da loita libre masculina.
Relacionadas:
-
A loita olímpica española fai historia en Pontevedra
Por Diego Espiño |
-
A loita feminina achega o primeiro triunfo español no Mundial U20 de Pontevedra
Por Diego Espiño |
-
A loita grecorromana protagoniza a segunda xornada do Mundial U20 de Pontevedra
Por Diego Espiño & Mónica Patxot |
-
Pontevedra dá a benvida ao Mundial U20 de Loitas Olímpicas
Por Diego Espiño & Mónica Patxot |
-
Catro deportistas galegos participarán en Pontevedra no Mundial U20 de Loitas Olímpicas
Por Anxo Lourido |
-
Conta atrás para o Mundial U20 de Loitas Olímpicas de Pontevedra
Por Diego Espiño |
-
A loita olímpica sae á rúa para promocionar o Mundial U20 de Pontevedra
Por Diego Espiño |