![](/web/cache/scene/uploads/fotos/foto/3aa/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66db5324de-2a3a6041-1024x683.jpeg)
© Federación Española de Luchas Olímpicas
A loita olímpica española fai historia en Pontevedra
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/aa3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66db52f652-carla-jaume-1024x654.jpeg)
© Federación Española de Luchas Olímpicas
![](/web/cache/scene/uploads/fotos/foto/725/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66db53c016-2a3a6284-1024x683.jpeg)
© Federación Española de Luchas Olímpicas
Histórica. Así foi a medalla de prata conseguida este venres pola deportista balear Carla Jaume no Campionato do Mundo U20 de Loitas Olímpicas de Pontevedra.
É a primeira vez que un loitador español, independentemente da categoría, logra disputar un combate polo ouro mundial. Maider Unda, co seu bronce olímpico en Londres 2012, lograra a maior fazaña ata a data.
Jaume clasificouse brillantemente este xoves para a final do seu peso (53 quilos), pero faltaba por decidir a cor da medalla. Eran 18.00 horas da tarde do venres e todo o Pavillón Municipal dos Deportes estaba expectante ante a final na que tiña que medirse coa chinesa Jin Zhang, actual campioa asiática.
Foi un duelo vibrante, con nervios nas bancadas, pero que finalmente se terminou decantando en favor da chinesa por 4-0.
Un resultado que en todo caso non embaza o fito conseguido, toda unha medalla de prata mundialista que foi celebrada por toda a loita española.
A xornada de venres no Mundial de Pontevedra supuxo tamén a estrea da loita libre masculina, con dobre representación galega aínda que sen grandes resultados, xa que tanto Alessandro Iemma (57 kg) como Moisés Bello (79 kg) caeron en oitavos de final e sen posibilidade de acceder á repesca.
Relacionadas:
-
A balear Carla Jaume asegura a primeira medalla para España no Mundial U20 de Loita de Pontevedra
Por Diego Espiño |
-
A loita feminina achega o primeiro triunfo español no Mundial U20 de Pontevedra
Por Diego Espiño |
-
A loita grecorromana protagoniza a segunda xornada do Mundial U20 de Pontevedra
Por Diego Espiño & Mónica Patxot |
-
Pontevedra dá a benvida ao Mundial U20 de Loitas Olímpicas
Por Diego Espiño & Mónica Patxot |
-
Catro deportistas galegos participarán en Pontevedra no Mundial U20 de Loitas Olímpicas
Por Anxo Lourido |
-
Conta atrás para o Mundial U20 de Loitas Olímpicas de Pontevedra
Por Diego Espiño |