Antía Chamosa non participará no relevo mixto de marcha nos Xogos Olímpicos por decisión do seleccionador
Por Redacción
María Pérez García e Álvaro Martín Uriol son os atletas escollidos polo seleccionador Pepe Peiró que representarán a España na proba de marcha de relevo mixto dos Xogos Olímpicos de París o mércores 7 a partir das 07.30 horas.
O cuarteto complétase con Cristina Montesinos e con Miguel Ángel López.
Con esta decisión, Antía Chamosa, atleta da Sociedad Gimnástica de Pontevedra, que lograra a marca mínima en maio para acudir á cita olímpica, non participará nesta edición, malia formar parte da expedición olímpica.
Chamosa realizara unha intensa preparación co obxectivo de formar parte do cuarteto que correra polo centro de París, despois de lograr no Gran Premio Internacional de Marcha Cantones da Coruña unha marca de 1:29.07, que supuxo un novo récord galego absoluto.
Á exclusión da atleta pontevedresa súmanse Diego García, Raquel González, Laura García Caro e Alberto Amezcua.
Relacionadas:
-
Apertura do prazo para solicitar axudas para deportistas que participan nos Xogos Olímpicos e Paralímpicos
Por Anxo Lourido |
-
Guía pontevedresa para seguir os Xogos Olímpicos de París 2024
Por Diego Espiño |
-
Pontevedra presume de olímpicos en París 2024: "Vai unha representación con moitísimas posibilidades"
Por Diego Espiño |
-
Antía Chamosa, subcampioa de España nos 10 quilómetros marcha
Por Alejandro Espiño |
-
Antía Chamosa estará nos Xogos Olímpicos como opción da remuda mixta de marcha
Por Diego Espiño |
-
Antía Chamosa logra a mínima para participar nos Xogos Olímpicos de París
Por Almu Dapena |
-
Antía Chamosa, bronce mundialista por equipos nos 20 quilómetros marcha
Por Almu Dapena |