Mateo Arias, Martín Santos e Víctor Fernández, triple continuidade no Cisne
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Creada e actualizada
Creada e actualizada
![](/web/cache/scene/uploads/fotos/foto/55c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/659db3009f-20240109-patxot-partido-cisne-teucro-073.jpg)
© Mónica Patxot
![](/web/cache/scene/uploads/fotos/foto/8b8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65ff31be8c-20240323-saiz-pabellon-municipal-balonmano-cisne-valle-aranda-019.jpg)
© Cristina Saiz
O Club Cisne Balonmán acelera na planificación do seu plantel para a próxima tempada.
O conxunto pontevedrés vén de confirmar a continuidade da súa dupla para o extremo esquerdo, e empeza xa a ter bastante perfilado o seu equipo.
Trátase dunha dobre confirmación, empezando pola continuidade dun Mateo Arias que ademais de peza importante a última campaña contaba cun ano máis de contrato.
Doutra banda o Cisne pechou a renovación de Martín Santos, outro dos xogadores formados nas categorías inferiores da entidade.
Ademais tamén fichou a Víctor Fernández, primeira liña que retornou á Boa Vila o pasado inverno procedente do Ademar de León.
Con eles pasan a ser xa dez os xogadores confirmados para o Cisne 24/25, xunto a Román Arboleya, Manu Lorenzo, Gualther Furtado, André de Moura, Iván Calvo e os fichados Iago Costas e Dani Virulegio.