Quince deportistas con dano cerebral adquirido dan exemplo de superación na II Travesía a nado #PoloDanoCerebral
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/ac9/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/668a6c0445-inicio-da-travesia.jpg)
© Dano Cerebral Galicia
![](/web/cache/scene/uploads/fotos/foto/b27/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/668a6c3d1e-nado-con-apoio.jpg)
© Dano Cerebral Galicia
A praia do Preguntoiro, en Vilaxoán, acolleu este sábado unha segunda edición de récord da Travesía a nado #PoloDanoCerebral.
Trátase dunha proba deportiva inclusiva na que participaron ao redor de 100 persoas, 15 con dano cerebral adquirido, e acompañantes de apoio dos deportistas con discapacidade.
A travesía está enmarcada na liña de actuación que Dano Cerebral Galicia desenvolve para o fomento do ocio e do deporte inclusivo para persoas con dano cerebral, prestándolles os apoios necesarios para a participación nese tipo de actividades, garantindo a accesibilidade universal e o exercicio do dereito ao ocio de todas as persoas.
É unha proba solidaria e non competitiva que ten como obxectivos dar visibilidade ao dano cerebral adquirido e como de promover uns hábitos de vida saudables a través da práctica de deporte que contribúan á prevención do dano cerebral adquirido e, máis concretamente, da súa principal causa, o ictus.
A actividade está organizada por Dano Cerebral Galicia coa colaboración de Arousaman-Arousawoman e do Concello de Vilagarcía.