Gustavo Dacal xa bate récords como deportista adaptado
Por Diego Espiño
Só leva uns meses competindo como deportista paralímpico, pero a progresión de Gustavo Dacal non parece ter fin.
O atleta pontecaldelano foi un dos grandes protagonistas do Campionato de España de Clubs de Atletismo para persoas con discapacidade celebrado na localidade madrileña de Alcobendas.
Alí, Dacal non só se fixo co primeiro posto no lanzamento de xavelina adaptada (categoría F.55), senón que bateu o récord de España.
O que fose plusmarquista nacional absoluto de xavelina na súa etapa como atleta profesional, logrou lanzar a xavelina ata os 29.20 metros, establecendo un novo rexistro histórico a nivel nacional.
Cabe destacar que unha semana antes, no Campionato de España por Comunidades Autonónomas, xa se impuxo cun mellor intento de 26.58 metros, sete metros máis que o segundo clasificado.
O novo récord de España conseguido por Gustavo Dacal supón ademais a terceira mellor marca mundial do ano na súa categoría, segundo revelou o adestrador Gonzalo Méndez.
Gus Dacal 29.20 en Alcobendas. Campeón y RE de España F.55 se coloca 3° Ranking Mundial 2024. pic.twitter.com/v59QsHHCe3
— Gonzalo Méndez Fragu (@GonzaloMSC) June 17, 2024
Relacionadas:
-
Homenaxe a Gustavo Dacal en Ponte Caldelas ante o pavillón que leva o seu nome
Por Redacción |
-
Gustavo Dacal, seleccionado para a súa primeira competición internacional como atleta paralímpico
Por Redacción |
-
O Club Atletismo Rías Baixas crea o I Criterium Gustavo Dacal
Por Diego Espiño |
-
Lanzadores como Gustavo Dacal e Frank Casañas transmiten a súa paixón polo atletismo en Caritel
Por Redacción |
-
Competir nos Xogos Paralímpicos, obxectivo de Gustavo Dacal tras regresar a España: "É un novo comezo en circunstancias diferentes"
Por Almu Dapena & Cristina Saiz |