O Club de Remo Ría de Marín consigue sete medallas no Campionato Galego
Por Redacción
O Club de Remo Ría de Marín participou esta fin de semana no Campionato Galego de pista en Castrelo de Miño.
Alí, o grupo marinense competiu con 16 remeiros en nove tripulacións, acadando un total sete medallas: dous ouros, tres pratas e dous bronces.
Os cadetes Anxo Blanco e Xairo Rivadulla proclamáronse campións galegos en 2- masculino; Xián Gutiérrez, subcampión galego en skiff masculino; e Gonzalo Pesqueira, Rodrigo Luengo, Hugo Rosales, Hugo González e Mauro Fernández, subcampións galegos en 4+ masculino.
No caso das remeiras xuvenís, Niobe Barreiro colgou o metal dorado en skiff e Saioa Iglesias, o bronce, mentres que Breogán Fariña fíxose coa prata en skiff masculino e Damián Otero quedou ás portas do podio cun cuarto posto.
Por último, Adrián Pazos levou bronce en categoría absoluta skiff masculina e Pilar Vázquez foi cuarta na carreira feminina.
Con este campionato, o Club de Remo Ría de Marín pon fin ás competicións autonómicas e xa pensa no Campionato de España que se celebrará en Sevilla a próxima semana.
Relacionadas:
-
Dous subcampionatos de España para terminar a tempada ao grande
Por Redacción |
-
O remeiro marinense Xián Gutiérrez, ouro no Campionato de España de Longa Distancia
Por Redacción |
-
Os alevíns do Club de Remo Ría de Marín pechan a tempada con outro ouro autonómico
Por Redacción |
-
Xián Gutiérrez, do CR Ría de Marín, bronce no Campionato de España de Remo Olímpico
Por Redacción |
-
Botín de catro medallas para o Ría de Marín na Copa Primavera de Remo
Por Redacción |