A carreira popular da Festa do Viño de Barro busca consolidarse na súa segunda edición
Por Redacción
Será soamente a súa segunda edición, pero a carreira popular da Festa do Viño de Barro quere consolidarse no calendario deportivo e atlético da comarca.
A proba deportiva, organizada polo Club de Atletismo +9 e o Concello de Barro, celebrarase o vindeiro domingo 23 de xuño dentro da programación da XLV Festa do Viño de Barro.
A saída e a chegada da carreira estará situada nas inmediacións do Pazo da Crega, en Santo Antoniño. Desde alí os atletas de categoría absoluta afrontarán un percorrido de 10 quilómetros. Serán os primeiros en correr, a partir das 10.00 horas.
Despois virán, ata aproximadamente as 13.00 horas, distintas carreiras de categorías de base, para deportistas de entre 3 e 16 anos.
As inscricións, que poden formalizarse en www.galitiming.com ata o día 20 de xuño, serán de balde para os máis pequenos e terán un custo de 8 euros a partir da categoría sub-18.
Relacionadas:
-
Reunión entre Luis López e Fernández Abraldes para falar dos investimentos da Deputación en Barro
Por Oskar Viéitez |
-
Moraima faise co premio ao mellor viño do XVII Certame Rías Baixas da Festa do Viño de Barro
Por Redacción |
-
Corte de tráfico na Rúa do Pazo con motivo da Festa do Viño de Barro
Por Redacción |
-
Barro presenta a programación da XLV Festa do Viño
Por Oskar Viéitez |