O Xesteiras triunfa na casa no Campionato de Galicia de Maratón
Por Redacción
O BTT autonómico tivo unha cita este domingo en Cuntis coa XI Ruta do Lacón, convertida a última hora en Campionato Galego de Maratón.
O club local, o Xesteiras, foi un dos protagonistas ao celebrar un dos seus ciclistas o triunfo na categoría masculina, cun proba que completou 64,7 quilómetros de percorrido con tres ascensións principais (Monte Xesteiras, Castro Arcos e Castro Serbil).
En total partciparon na proba 164 ciclistas, con oito títulos autonómicos en xogo, sendo o máis rápido o máster-30 Manuel Ángel Parada (Xesteiras) cun tempo de 3 horas, 33 minutos e 51 segundos. Avantaxou en 2'03'' a Diego Álvarez (V Bikes) e en 2'44'' a Daniel García.
Pola súa banda a vencedora en categoría feminina Raquel Román (Bici Verde), cun rexistro de 4 horas e 16 minutos e superando á vencedora do pasado ano, Eva Ortega (Extol-Zambora.es), en 2'16''. Terceira foi Mar Delgado (Monteme-Calvo).
Outros campións galegos foron Néstor Frías (Academia Postal - Maceda) en júnior, David Fernández (Avanza - O Porriño) en sub-23, Brandán Márquez (V Bikes) en categoría elite, Diego Álvarez (Aerodynamics) en máster-40, Antonio Rodríguez (Ourense Termal) en máster-50 e Óscar Lorenzo (Bici Verde) en máster-60.