Bronce nacional para o equipo infantil de esgrima da Escola Hungaresa
Por Redacción
Ata Valladolid desprazouse a Escola Hungaresa de Esgrima para participar no Campionato de España de Esgrima Infantil 2024.
Seis deportistas representaron o club pontevedrés na competición, na que sumaron unha medalla de bronce por equipos na modalidade de sabre feminino.
Trátase da segunda medalla lograda por este equipo tras a conseguida a tempada anterior na mesma categoría. Nesta ocasión Candela Touriño, Carmen Laia Cubela e Mariña Prieto superaron o cadro de oito equipos vencendo o Club de Esgrima El Gato de Madrid por 45 toques a 38, cedendo despois na semifinal por un axustado 43-45 fronte ao Sala de Armas de Madrid. En canto á pelexa polo bronce, superaron o Club de Esgrima de Madrid por 45 a 41.
A nivel individual o mellor resultado foi o de Mariña Prieto, ao finalizar na oitava posición do campionato, mentres que Cubela e Touriño despedíronse na rolda eliminatoria das 32 mellores.
En Valladolid tamén representaron á Escola Hungaresa, en categoría masculina, Matías Villamor, Álvaro Rodríguez e Brais Soengas. Os dous primeiros finalizaron a competición indivual nunhas meritorias 12ª e 16ª praza, mentres que Soengas foi eliminado na rolda de 64 tiradores. Os tres xuntos, no torneo por equipos, cederon no cadro dos oito mellores contra o Sala de Armas de Madrid por 45 toques a 26.