Garfield Blair cobre o oco deixado por Albert Homs no Peixe Galego
Por Redacción
O Peixe Galego moveuse rápido ante a inesperada saída do Albert Homs, reclamado polo Obradoiro para o seu equipo de ACB, e xa confirmou o que será o seu substituto ata final de tempada.
Trátase do escolta xamaicano Garfield Blair, internacional polo seu país e que ata esta semana militaba no Cáceres Patrimonio de la Humanidad, rival dos marinenses na Liga LEB Adecco Prata.
O conxunto estremeño decidiu prescindir dos seus servizos a pesar de alcanzar 9,8 puntos e 3,7 rebotes nos 18 partidos que disputou no presente curso.
O xogador, segundo sinala o Peixe Galego, "pode xogar en calquera posición exterior" e xa estará dispoñible para o encontro deste fin de semana ante o Azpeitia.