"O Galicia Open será espectacular e diferente"
O empresario Carlos Conde Gil cumprirá un dos seus soños coa organización do 'Galicia Open' que se celebrará en Pontevedra do 24 ao 30 de xuño.
Moito máis que un torneo, o A1 GALICIA OPEN é a organización de tres eventos diferentes nunha mesma semana cunha chea de cousas divertidísimas polo medio. Como prato principal desde logo temos A1 Padel, no que van xogar todas as estrelas do circuíto, pero tamén contaremos con xogadores doutros circuítos que se están animando a vir. Montaremos a pista central no pavillón dos deportes, outras tres pistas no Pazo de Cultura e organizaremos no Recinto Feiral unha expo internacional con presenza de moitas marcas. A feira abrirá ao público o xoves 27 de xuño ás 6:00 da tarde e realizarase o acto inaugural cunha Performance de Pablo Méndez e un partido de exhibición con catro primeiras pas a nivel mundial. Clinics e torneo amateur
Con respecto á parte da feira, Conde afirma que "fixemos unha aposta moi forte porque sexa unha feira moi boutique na que a repetición das marcas non sexa o máis común, é dicir, quero que todas as marcas que veñan teñan éxito e que sexan case únicas no evento. Ademais, nas tres pistas haberá constante interacción co público. Realizaremos clinics de pádel cos xogadores máis prestixiosos do mundo, partidos de exhibición e un torneo amateur".
O torneo amateur denominouse 'Copa de Campións Smilek', empresa que cedeu 50.000 € nas súas CriptoMonedas para que sexan repartidas entre premios e sorteos durante todo o evento. "No torneo amateur imos regalar 10.000 € en CriptoMonedas Smilek entre todas as categorías participantes. Dispoñeremos de catro categorías en homes e mulleres, pero será diferente porque as parellas deberán representar a un club, non só de España senón tamén de Portugal".
Convidámosvos a adquirir xa as entradas que están dispoñibles na plataforma enterticket.es: https://www.enterticket.es/eventos/a1-padel-galicia-open-353909
Relacionadas:
-
Tolito Aguirre e Gonzalo Alfonso levan a final do A1 Galicia Open de Pádel celebrado en Pontevedra
Por Redacción & Cristina Saiz |
-
O A1 Galicia Open de Pádel entra nas súas roldas finais e expándese ao Recinto Feiral
Por Redacción & Mónica Patxot |
-
O mellor pádel aterra no Municipal co arranque do cadro final do A1 Galicia Open
Por Diego Espiño & Mónica Patxot |
-
Arranca en Pontevedra a fase previa do Galicia Open de pádel
Por Redacción |
-
ROCK & PADEL: Quen dixo que deporte e música non se poden unir?
Por Noticia patrocinada |
-
Un open de clubs no Recinto Feiral completará a primeira edición do Galicia Pádel Master
Por Redacción |
-
Pontevedra acollerá en xuño unha proba do circuíto internacional A1 Pádel
Por Diego Espiño |