O Betis Deportivo será o rival do Pontevedra na final polo ascenso
Por Diego Espiño
O Pontevedra Club de Fútbol xa ten rival para a eliminatoria final de ascenso a Primeira RFEF, e será de novo un filial.
O seu adversario será o Betis Deportivo Balompié, filial do Real Betis de Primeira División e que finalizou a liga na quinta posición do Grupo IV.
O conxunto verdibranco superou na eliminatoria previa o CE Europa catalán, vencendo 2-0 no seu feudo e 1-3 a domicilio.
O choque de ida disputarase esta próxima fin de semana en Sevilla, mentres que a volta terá lugar no Estadio Municipal de Pasarón o 1 ou 2 de xuño.
Do mesmo xeito que na semifinal, en caso de empate no global da eliminatoria, prórroga incluída, sería o Pontevedra o equipo que lograría o ascenso como mellor clasificado da liga regular.
Tras coñecer o emparellamento o adestrador dos granates, Yago Iglesias, valorou o resultado do sorteo asegurando que o Betis Deportivo "é un equipo que os expertos de Segunda RFEF din que é o mellor filial da categoría. Destaca sobre todo pola súa calidade técnica e xogadores con moito poderío físico", afirmou.
Relacionadas:
-
Os números do Betis Deportivo, "o mellor filial da categoría"
Por Diego Espiño |
-
Yago Iglesias, tras o triunfo ante o Deporivo Aragón: "Foi un partido completo de todo o equipo"
Por Almu Dapena & Cristina Saiz |
-
Remontada épica do Pontevedra para seguir soñando co ascenso (3-1)
Por Almu Dapena & Cristina Saiz |